2022 жылғы желтоқсан айында «Таза сессия» акциясына қатысқан ерікті-прокторлар ЖОО-да алғыс хаттармен марапатталды. Ең белсенділер бағалы сыйлықтар алды. Академиялық мәселелер жөніндегі Басқарма мүшесі Рената Апергенова студенттерге атқарған жұмыстары үшін алғысын білдірді. Қысқы емтихан сессиясы барысында 59 білім алушы Академиялық адалдық нормаларының сақталуын қадағалады. Олар студенттердің сабаққа, емтихан алушылардың мәлімделген санына сәйкес сессияға қатысуларын, көшіру, қосымша парақтарды қолданбауларын бақылады. Сондай-ақ, сарапшылардың жұмысын қадағалады.
Қорытындысы бойынша емтихандарда жіберілген барлық ескертулер Әдеп жөніндегі кеңестің отырысында қаралып, оларды жою жөнінде тиісті шаралар қабылданды. Айта кетейік, Қозыбаев университетінде сессияға волонтер-прокторларды тарту дәстүрі 5 жылдан бері қалыптасып келеді. Ол өзінің тиімділігін тек академиялық үдеріс шеңберінде ғана емес, сонымен қатар жастардың бойында адалдық пен парасаттылық қағидаттарын қалыптастыруда дәлелдеді.
