Еліміздің бас қаласында ҚР Президентінің жанындағы Мемлекеттік Басқару академиясы мен Қозыбаев университеті «Мемлекеттік басқару», «Мемлекеттік және жергілікті басқару» және «Адами ресурстарды басқару» бағыттары бойынша магистратура мен докторантура кадрларын даярлауды жүзеге асыратын жалпы қазақстандық ЖОО-дары ынтымақтастық туралы Меморандумға қол қойды. Іс-шараға университетіміздің атынан Басқарма Төрағасы – Ректор Ерлан Шұланов қатысты.
Меморандум аясында ортақ зерттеулер жүргізу, Бб бағдарламаларын бірлесе әзірлеу және қолданысқа енгізу, мемлекеттік басқару және HR саласында сарапшылар пулын құру жоспарланған.
Шараның ашулы салтанатында ҚР Мемлекеттік қызмет істері агенттігі Төрағасының орынбасары Азамат Жолманов сөз сөйлеп, ҚР Ғылым және жоғары білім министрі Саясат Нұрбек, HR қызметі бойынша ғылыми зерттеулер жүргізілуі керек екенін атап өтті: «Қазіргі таңда елімізде 30-дан астам жоғары оқу орны мемлекеттік басқару саласы бойынша маман даярлайды. Мемлекет басшысының тапсырмаларын орындау аясында Мемлекеттік қызмет істері агенттігімен және Мемлекеттік басқару академиясымен бірлесе отырып, білім бағдарламасын жаңартуымыз қажет. Себебі, цифрлық күш көп нәрсені өзгертіп жатыр. Бірлескен жұмыстың аясында магистранттар мен докторанттар мемлекеттік қызмет жүйесі, HR қызметі бойынша қолданбалы зерттеулермен айналысатын болады».
Құжатқа қол қою рәсімінен кейін тараптар Меморандум аясында жүзеге асырылатын іс-шаралардың Жол картасын талқылады.