Қозыбаев университетінде «Заманауи педагогикалық білім: ғылым мен тәжірибе интеграциясы» атты халықаралық ғылыми-тәжірибелік конференция өткізу игі дәстүрге айналған. Біздің университетте барлық білім беру бағдарламаларының үштен бірі педагогикалық бағытта. Сондықтан басқа университеттердегі әріптестермен педагогтарды даярлау саласындағы озық тәжірибе мен білім алмасу міндетті түрде қажет.
Кездесуге оффлайн және қашықтықтан да Қазақстан, Ресей, Беларусь және АҚШ оқу орындарының өкілдері жиналды. 200-ден астам ғылыми баяндамалар қабылданды. Отырысқа СҚО білім басқармасы, «Өрлеу» Біліктілікті арттыру ұлттық орталығы» АҚ, Сургут МПУ, Новосибирск МПУ және т.б. мамандары қатысты.
Академиялық мәселелер жөніндегі Басқарма мүшесі Рената Апергенова бүгінгі таңда университеттің міндеті заманауи әлемдегі өзгерістерге дер кезінде көңіл аударып, осындай диалог алаңдарын үйлестіру қажет екенін атап өтті. Болашақ мұғалімдерді дайындаудың бірыңғай ережесі жоқ. Ең бастысы кадр даярлауда қызықты шешімдерді табу маңызды. Себебі бүгінде ұстаздық білім берудегі жаңа тенденциялар қарастырылған: тәжірибеге бағдарлану, білім алуға ұмтылу , инклюзия. Мәселен,қазірде студент-педагогтардың тәжірибесін университет кафедралары емес, мектептердегі тәлімгерлер бағалайды. ҚР ЖОО оқытушылық қызметке практиктерді тарту мүмкіндігіне ие болды.
Іс-шарада Аризона университетінің Білім колледжінің деканы сөз сөйлеп, Қозыбаев университетімен бірге «Білім берудегі психология» халықаралық бағдарламасы іске асырылып жатқанын айтты.
Кейін конференция жұмысы спорт, бастауыш және мектепке дейінгі білім беру, педагогика, оның ішінде арнайы және әлеуметтік бағыттағы өзекті мәселелер бойынша бес секциялық отырыста жалғасты.
