2016 жылдан бастап Қазақстан халқы 1 наурызды Алғыс айту күні етіп атап өтуде. Алғыс айту күні – бұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанаты күні.
Бүгін «Агрономия және орман шаруашылығы» кафедрасының ЛРЛ-20-3к тобының студенттері үшін Алғыс айту күніне арналған ақпараттық-тақырыптық кеш өтті. Іс-шараның мақсаты: студенттердің өз еліне деген құрмет сезімін қалыптастыру. Кеш барысында студенттерге Республикамыз жайлы әртүрлі сұрақтар қойылып, бірте-бірте ойын форматына ауысты. Студенттермен бірге білім әлеміне көз жеткізіп, қызықты уақыт өткізілді.
Осы мереке аясында жас ұрпақты ізгілікке баулитын игі шаралардың орын алуы үлкен маңызға ие. Жалпы факультетімізде ұлттық құндылықтарды дәріптеуге негізделген іс-шаралар үнемі ұйымдастырылып тұрады.
