1 наурыз Қазақстанда-өткен ғасырдың 30-40 жылдарында Қазақстанға жаппай көші-қон кезеңінде мейірімділік танытып, түрлі халықтардың өкілдерін туғандарындай қабылдаған барлық этностардың бір-біріне және елдің байырғы тұрғындарына Алғыс айту күні. Қиын жылдар көптеген жандарды керісінше жігерлендірді. Негізінен ұлттық бірліктің арқасында ,енді еліміз республикада құрылған келісім мен бейбітшілікті мақтан тұтады.
Қозыбаев университетінде бұл мереке жыл сайын ҚХА этномәдени бірлестіктерінің мүшелерін тарта отырып атап өтіледі.
«Биыл біз шараның форматын өзгерттік. Мерекенің мәнін сезініп, маңыздылығын ұғыну үшін мүмкіндігінше іс-шараға көп студенттерді тарттық. Бұл күні өзгелерге ілтипатпен қарауды, күнделікті жасап жатқан жақсылықтарымызды есте сақтауды және бір-бірімізге мейірімділік пен ризашылық сезімін білдіру арқылы ғана татулықты, бірлік пен келісімді сақтай аламыз»,- деді ҚХА кафедрасының меңгерушісі Людмила Гривенная.
Осы жылы қонақтар үшін кітаптар көрмесі, киіз және қыштан қолөнер шеберлік сыныптары, «Шертер» аспаптық ансамблінің қойылымы ұйымдастырылды. Салтанатты шараға Моңғолиядан, Қытайдан, Ираннан келген қандастар, сондай-ақ шетелде оқыған және Отанына оралған оқытушылар мен студенттер қатысты.
Жас ұрпақ үшін, күнделікті еңбек арқылы Отанға қызмет етуге, халықтың мәдени мұрасына құрметпен қарауға, өз Отанына адалдыққа бағытталған адамдардың өмірлік жолы үлгі. Сондықтан іс-шарада ҚР ҒЖБМ құрмет грамоталарымен және алғыс хаттарымен, сондай-ақ «Ғылымды дамытқаны үшін» төсбелгісімен ЖОО оқытушылары мен қызметкерлері марапатталды.
Сахнада мерекелік көңіл-күйді хореографиялық ансамбль әртістері, дарынды музыканттар, Петропавл қаласының әртістері мен вокалистері сыйлады. Олар мерекелік бағдарлама арқылы Қазақстанның мәдениетін, бейбітшілігі мен өркендеуін және Отанға деген сүйіспеншілік сезімін жеткізді. Мереке құтты болсын!
