Университетімізде студенттер мен оқытушылар, СҚО кәсіпкерлері үшін Алматы Менеджмент Университетінің (AlmaU) бизнес-тренерлері шеберлік сабақтарын өткізді. Екі оқу орны арасындағы ынтымақтастық туралы қол қойылған меморандум Қозыбаев университетінде бірлескен MBA (General MBA) бағдарламасын ашуға мүмкіндік береді.
Жалпы, MBA (master of business administration) – менеджмент саласындағы біліктілік магистрі, оған сәйкес бас менеджерлер әртүрлі қызмет салаларында жұмыс істеуге дайындалады. Оқу мерзімі 1 жылдан 3 жылға дейін жалғасады.
«Біздің университет соңғы бірнеше жылда жаңа кезеңге аяқ басты. Егер аймақ экономикасы дамысын десек, жергілікті бизнес қауымдастығына жаңа серпін беру қажет. Бұл қадам Солтүстік Қазақстан экономикасын дамытуға жаңа үлес қосады. Біз AlmaU-мен ынтымақтастығымызды бастаймыз, бұл үлкен әрі маңызды жоба. Бірте-бірте бизнес-білім берудің жергілікті брендін қалыптастырамыз», – деді Басқарма Төрағасы – Ректор Ерлан Шұланов.
Алматы Менеджмент Университетінің (AlmaU) Президенті әрі негізін қалаушы Асылбек Қожахметов еліміздегі ең көне жекеменшік университет туралы айтты. Сондай-ақ, MBA күнінің қатысушылары «Жүйелендіру-компанияның өсу құралы ретінде» және «Сату өсімі үшін маркетингтегі инновациялар» шеберлік сабақтарында көптеген жаңа бизнес білімінің қырларымен танысты. Сабақтарды белгілі қазақстандық бизнес-тренерлер Дмитрий Гусенко мен Тимур Сәбитов жүргізді.Енді өңірдің кәсіпкерлері, ісін жаңа бастаған кәсіпкерлер, маркетинг, менеджмент және бизнес өкілдері Қозыбаев университетінде MBA бағдарламасын аяқтау арқылы өз білімдері мен дағдыларына инвестиция сала алады. Бағдарла бойынша толық мәліметтерді кейінірек жариялайтын боламыз.
