Талапкерлерге Білім алушыларға Оқытушыларға Кафедра меңгерушілеріне Декандарға Электронды ректорат Documentolog Қаз Рус Eng
Жатақханаға орналасуға өтінім беру
"Манаш Қозыбаев атындағы
Солтүстік Қазақстан университеті"
коммерциялық емес акционерлік қоғамы
Үлкейтілген

Университеттің өркендеу жолы Ғалымқайыр Мұтанұлымен басталды

85 жылдық тарихта Қозыбаев университетінде бірнеше басшы болса да, әрқайсысы университеттің қалыптасуы мен дамуына зор үлестерін қосты. Бүгін оларды университет қабырғасында қарсы алып, қайта көрісуге әрқашан қуанышты. Осы жолы арнайылап ат басын бұрған университетіміздің экс-ректоры, бүгінде АЕТИ бас директорының м.а. Ғалымқайыр Мұтанов ЖОО студенттері, оқытушыларымен жүздесті.

Оның қызмет жолындағы игі істеріне тоқталсақ, алдымен 1996 жылдан 2002 жылға дейін Ғалым Мұтанұлының СҚМУ ректоры болып қызмет атқарған тұсын айтамыз.

Кездесуде Басқарма Төрағасы-Ректор Ерлан Шұланов өз кезегінде сөз алып, ризашылығын білдірді: «Кезінде қызмет еткен ректорлармен кездесудің лайықты жалғасы Ғалымқайыр Мұтанұлы өзіңізбен кездесіп отырғанымызға алғыс айтамыз. Сіз осы университетке жаныңызды салып, 40-қа жуық жаңа мамандық, көп деңгейлі білім беру жүйесі ұйымдастырдыңыз. Сонау 90 жылдарда Ғалымқайыр Мұтанов, қиын күн тәртібіне қарамастан, 7 жыл ішінде оқу ордасын шетелде де жоғары деңгейге шығара білді, әлеуетін, инфрақұрылымын нығайту үшін көп жұмыс жасады. Білім ордамыз сіздің бастамаңызбен «Университет» мәртебесін алды».

Ризашылықтарын білдіріп, жылы естеліктерімен бөліскендердің қатары аз емес.

«Мен әріптестерімді, достарымды көргеніме қуаныштымын. Өте қиын кезең болса да, бірақ есте қаларлық  қызықты сәттері көп.  Даму, құру үшін тамаша мүмкіндік болды. Бірте-бірте  барлығы оңалды, жарық жоқ кезде  зауыттардың бірінен дизельдік  электр станциясын тауып, сөйтіп 4 корпусты жарықпен қамтамасыз еттік, адам саны, жалпы ауданды шамамен 82 есеге ұлғайттық. Алғашқы әскери кафедралардың бірін аштық. СҚМУ Қазақстандағы көлемін екі есеге арттырған жалғыз университет болды»,- деп еске алады Ғалымқайыр Мұтанов.

Қозыбаев университеті мен Ақпараттық және есептеуіш технологиялар институты арасында меморандумға қол қойылды. Оның мақсаты ғылыми-зерттеу саласындағы ынтымақтастықты дамыту болып табылады. Бұл ақпараттық-есептеу технологиялары саласында тәжірибе, білім алмасуға, консультациялар жүргізуге; ПОҚ, докторанттар мен магистранттардың тағылымдамаларын, біліктілігін арттыруды ұйымдастыруға; бірлескен ғылыми зерттеулер жүргізу, заманауи ақпараттық және цифрлық технологияларды, жасанды интеллект пен робототехникалық жүйелерді әзірлеу және қолдану жөніндегі гранттық жобалар мен бағдарламаларға қатысуға мүмкіндік береді.

17.03.2023
Яндекс.Метрика