СҚО-ға сапар аясында ҚР АҚШ елшісі Дэниел Розенблюм білім ордамызға келіп, университет басшылығымен және студенттермен кездесті. Басқарма Төрағасы- Ректор Ерлан Шұланов Аризона университетімен ынтымақтастық туралы мақсаттарымен бөлісті: «Қыркүйек айында біз осы бағдарламалар бойынша грантпен 150 студентті оқытуды бастадық. Кейін 50-ге жуық білім алушы екі диплом алады. Бүгінде алға қойған мақсаттардың бірі- дарынды жастарды оқу ордамызға тарту. Ол үшін қос дипломды және халықаралық бағдарламалар тізімін кеңейтуді жоспарлап отырмыз. Оқыту заманауи құрылғылармен жабдықталған жаңа оқу-зертханалық корпуста жүргізіледі. Ал соңғы семестрде студенттер АҚШ-қа оқуға барады».
АҚШ Елшілігімен ынтымақтастықты біздің ЖОО English Language Fellow гранттық бағдарламасы бойынша жүзеге асырады. Оның аясында Америкадан келген білікті ағылшын тілінің оқытушылары, оқу жылы ішінде қазақстандық жоғары оқу орындарында студенттерге сабақ береді. Бұл бағдарлама бойынша университетіміз бірінші рет өтіп жатқан жоқ. Биыл ағылшын тілі оқытушысы Анна Денисенко келді. Ол, ПОҚ және қызметкерлерге ағылшын тілі курстарын жүргізеді. Бұл олардың лингвистикалық білімдерін жетілдіруге тамаша мүмкіндік болды. Оқыту тегін негізде өткізілді. Қонақтар сапар барысында сабақтарға қатысып, студенттермен әңгімелесті.
Сондай-ақ, делегация жаңа оқу-зертханалық корпусқа экскурсия жасады. Мұнда Аризона университетімен, қос дипломды бағдарламаның студенттерімен кездесу өтті.
