М.Қозыбаев атындағы СҚМУ әскери кафедрасында қабылдау салтанаты өтті. Осы жылы құрылғанына 15 жыл толған әскери кафедраны 87 түлек тәмамдауда.
Ант қабылдау салтанатында кафедра бастығы Жәлел Шәкіров құттықтау сөзін арнап, офицер атанған осы жастарға ақ жол тіледі. Бұл ұландар университеттегі негізгі мамандықтарына қосымша екі жарым жыл бойы оқыған әскери мамандықты игеріп шықты. Енді олар әскер командирлері мен тәрбиеші офицерлер қатарына қосылу мүмкіндігін алды. Өздеріне жүктелген міндеттерді табандылықпен орындауға ант берген жас ұландар отан алдындағы парыздарын сезінуде.
Әскери кафедра 15 жылдың ішінде 2500 мыңнан аса офицерлер мен сержанттар даярлап, оның бір бөлігі әскери қызметті сәтті жалғастыруда. Олардың әрбіреуі жоғары оқу орнындағы жоғары даярлықтан өтіп, отан алдындағы қасиетті борыштарын абыроймен атқаруға дайын.