Дөңгелек үстел - талқыланатын мәселеге қатысты идея мен пікірді қорытындылауға бағытталған мәселелерді талқылауды ұйымдастыру тәсілі. "Ғылым апталығы - 2023" аясында ZOOM платформасында "Қазақстан Республикасы мен таяу шет елдердің азық-түлік сегментін дамыту перспективалары" атты халықаралық дөңгелек үстел өткізілді. П.А. Столыпин атындағы Омбы мемлекеттік аграрлық университетінің ғалымдары (Омбы қ., РФ), С.Д. Асфендияров атындағы Қазақ ұлттық медицина университетінің (Алматы қ.) магистранттары мен оқытушылары, Солтүстік Орал мемлекеттік аграрлық университетінің (Тюмень қ., РФ) студенттері және "Азық-түлік қауіпсіздігі"кафедрасының оқытушылары баяндама жасады. Талқылау барысында азық-түлік қауіпсіздігінің, сапалы шикізатты қайта өңдеудің өзекті мәселелеріне маңызды мән берілді, өйткені бүгінде тамақ өнеркәсібі саласының алдында өте маңызды міндет тұр – ішкі және сыртқы нарықта бәсекеге қабілетті жоғары сапалы өнімдерді өндіру. Мұндай іс-шаралар әзірлемелермен бөлісуге және жоғары оқу орындарының ғалымдары арасындағы халықаралық ынтымақтастықты нығайтуға мүмкіндік береді.
