2020 жылы біздің университет Еуропалық Одақтың Erasmus+бағдарламасы аясында жүзеге асырылатын «Көшбасшылық саласындағы мұғалімдерді даярлау және құзыреттілікті дамыту/DeSTT »халықаралық жобасына қосылды. Жоба мақсаты-бүкіл әлем бойынша білім беру және кәсіптік оқыту жүйесін, жастар саясатын қаржыландыру, жаңғырту, тұрақты дамытуға жәрдемдесу. DeSTT жобасына Қазақстан және Моңғолия мемлекеттері, Еуропаның (Испания, Италия, Польша) университеттері кіреді.
DeSTT- көшбасшылық саласындағы педагогтарды оқыту мен біліктілігін арттыруға , сондай-ақ, жергілікті қоғамдастықпен барынша өзара қарым-қатынас орнату мен инновациялық әдістерді енгізуге бағытталған.
Осы аптада Испанияның Сантьяго-де-Компостела университетінің профессорлары Бран Барал-Бусета мен Франциско Эдуардо Хаз-Гомес оқу ордамызға келіп, педагогика факультетінің халықаралық бағдарламаларының студенттерімен кездесті. Қонақтар стейкхолдерлерді тарту және көшбасшылық ортаны қалыптастыру туралы сөз қозғады. Сонымен қатар, қоғамдағы көшбасшылықты дамыту процесінің негізгі құрамдас бөлігі ретінде, әлеуметтік капитал туралы әңгімелесті.
Атап өткен жөн, университетіміздің DeSTT жобасының жұмыс тобының қызметі: білім беру көшбасшылығы саласында тәжірибе алмасу үшін еуропалық ЖОО өткізетін, оқыту семинарлары мен тренингтерге қатысуға; педагогикалық көшбасшылық дағдыларын дамыту және жетілдіру үшін халықаралық тағылымдамалардан өтуге негізделген . Жобаның нәтижесі «Білім берудегі көшбасшылық» бағыты пәндерін және оқу құралын әзірлеу, ғылыми мақалалар жазу, сонымен қатар педагогикалық бағыттағы магистратура бағдарламаларының педагогтары мен студенттерінің көшбасшылық дағдыларын дамытуға бағытталған тренингтер өткізу болмақ.
Жобаның аяқталу мерзімі - 2023 жылдың 14 мамыр күні
