«Көптілділік – қазіргі заманғы маманның кәсібилігінің құрамдас бөлігі» атты республикалық ғылыми-теориялық семинар

          20.04.2023 ж. М.Қозыбаев атындағы Солтүстік Қазақстан университетінің Тіл және әдебиет институты «Практикалық қазақ тілі» кафедрасы және Қазақстан Республикасы Ұлттық ұланы Академиясымен бірлескен «Көптілділік – қазіргі заманғы маманның кәсібилігінің құрамдас бөлігі» атты республикалық ғылыми-теориялық семинарын өткізді

          Семианарға «М. Қозыбаев атындағы СҚУ» КеАҚ тілдік кафедраларының, Қазақстан Республикасы Ұлттық ұланы Академиясының профессор-оқытушылар құрамы, Солтүстік Қазақстан облысы «Тілдерді оқыту орталығы» КММ мамандары, Солтүстік Қазақстан облысының мектеп және колледждерінің қазақ тілі мұғалімдері, барлығы 78 маман қатысты. Сондай-ақ, республикалық ғылыми-теориялық семинарға қатысуға ғалымдар, жоғары оқу орындарының, орта-арнайы және орта білім беру ұйымдарының оқытушылары, әскерлер мен әртүрлі күш құрылымдарының  офицерлері, Қазақстан Республикасы жоғары оқу орындарының докторанттары, аспиранттары мен магистранттары шақырылды.

          Бұл семинар Қазақстан Республикасының әскери және азаматтық жоғары оқу орындарында, мемлекеттік мекемелерде мемлекеттік тіл, яғни қазақ тілін оқытудың заманауи озық әдіс-тәсілдерін талдау, зерттеп-зерделеу мақсатында ұйымдастырылды. Семинардың күн тәртібінде бүгінгі күні мемлекеттік тілді меңгерту мен оны оқыту әдістерін жетілдірудің өзекті мәселелері болып табылатын төмендегідей тақырыптар талқыланды:

1. Қазіргі білім беру жүйесінде көптілділік оқытуды іске асыру.
2. Қазақстанның жоғары оқу орындарында тілдік пәндерді оқыту мәселелері.
3. Оқытудың тиімді әдістері, жоғары оқу орындарының пәнін оқытудағы инновациялық технологиялар.
4. Болашақ офицердің жалпы және кәсіби мәдениетін арттыру жүйесіндегі әскери білім беруді ізгілендіру.

          Жиын соңында семинар спикерлері мен оның жұмысына белсене қатысқан мамандар Қазақстан Республикасы Ұлттық ұланы Академиясының басшысының алғыс хаттарымен марапатталды.