Наурыз мейрамы Қозыбаев университетінде жарқын, тату көңілмен тойланды. Мерекені бірінші ғимараттың бас алаңында атап өтті. Қонақтар үшін дәстүрлі безендірілген киіз үйлер, арнайы дайындалған наурыз көже мен палау және әр факультеттен мерекелік тағамдар ұсынылды.
Үздік ұлттық костюмге арналған фото байқауға білім алушылар, оқытушылар, қызметкерлер, декандар қатысты. Жеңімпаз Инстаграм желісінде ең көп дауыс жинаған Зарина Бекбердина 50 мың теңгелік ұтысқа ие болды, екінші орын мен 30 мың теңгені Адина Айдарбек ,үшінші орын Ильмира Гайсина (20 000 теңге) алды.
Мұнда факультеттер арасында үздік ұлттық қазақ дәстүрлерінің байқауы өтті. Қатысушылар түрлі-түсті костюмдердің арқасында нағыз театрландырылған қойылымдарды көрсетті. Ерекшеленіп шыққан ПФ болса, одан кейін ТжӘИ және AФ назардан тыс қалмады . Оларға да университеттен ақшалай сыйлықтар табысталды.
Спорттық жарыстардың жүлдегерлері сыйлықсыз қалған жоқ. Қазақша күрестен бірінші орын үшін Дмитрий Динер 23 000 теңге алды. Сондай-ақ, білім алушылар тоғызқұмалақ және бес асық ұлттық ойындарында бақ сынасты, арқан тартыс, күш гимнастикасы мен армрестлингте мықтыларды анықтады.
Біздің талантты студенттердің музыкалық ән шашулары көрермендерге жақсы көңіл-күй сыйлады. Төрге еңбек ардагерлеріміз, кафедралардың құрметті профессорлары жайғасты. Наурыз мейрамы біздің ұжымның тату-тәтті және шығармашыл екендерін тағы бір мәрте дәлелдеді! Дәстүр мен ұрпақтар сабақтастығы маңызды! Әр шаңырақта бейбітшілік, келісім, өркендеу мен бақыт орнасын! Мереке құтты болсын!
