Біздің таза сенбілік

Әдеттегі дәстүр бойынша Қозыбаев ұжымы жұмылып сенбілікке шықты. Тазалық шарасына, университет басшылығы, құрылымдық бөлімшелер, оқытушылар, қызметкерлер, білім алушылар ат салысты.  Оқу корпустарының, жатақханалардың, обсерваторияның айналасын жапырақтар мен қоқыстан тазалады. 
Жаймашуақ күнде оқу орны ұжымы ағаш түптерін қопсытып, әктеу- сырлау жұмыстарын жүргізді. Жиектастар мен көше бойлары ретке келтірілді. Университеттің бас алаңына ағаштар отырғызылады. Сенбілік нәтижесінде қалашық аумағынан 11.5 тоннаға жуық қоқыс шығарылды. Таза ауадағы университет аумағын абаттандыру жұмыстары ойдағыдай өтті.