Білім ордамызда үнемі экологиялық ортаны қалыптастыру, жасылдандыру жұмыстары қарқынды жүргізіледі. Алдыңғы сенбіліктің желісі, ағаш егу науқанымен жалғасты. Енді жасыл қалашықты қайың, түп шырша, қарағаймен қатар алма, алмұрт, өрік тіпті сирек кездесетін ағаштар толықтырады. Жалпы барлығы 50 көшет отырғызылды.
Көшеттер «National alumni network» ҚБ қаржылық қолдауымен отырғызылды. Бұл түлектерді қолдауға арналған американдық ұйым. Кеңсе елордада орналасқан, ал облыс орталықтарында өңірлік көшбасшылар бар. Солардың бірі-біздің түлегіміз Александр Данчев: «Бұл күні Америкада ағаш отырғызу күні атап өтіледі, ол жайлы қалалық орта құруға бағытталған. Бүгін біздің университет аумағында АҚШ Елшілігінің қолдауымен, бас алаңда 44 және үшінші ғимараттың ауласына 6 көшеттерді отырғызамыз».
Игілікті іске университет басшылығы, оқытушылар мен студенттер, қала белсенділері қатысты. Енді отырғызылған ағаштарды күтіп-баптау міндеті жатыр. «National alumni network» ҚБ және көгалдандыруға белсенді қатысқан студенттер, жарайсыңдар!
