Оқу ордамыздың базасында астрономия, дефектология және ақпараттық-коммуникациялық технологиялар бойынша үш бірдей Республикалық студенттік олимпиада өтті. Петропавлға Қазақстанның түкпір-түкпірінен 100-ге жуық қатысушы келді. 20-дан астам команда бақ сынасты.
АКТ бағыты бойынша тестілеуден өтіп, өздерінің бағдарламалау дағдыларын көрсете білді. Екі кезеңнің қорытындысы бойынша Astana International University құрамасы үздік атанды. Жеке есепте С.Торайғыров атындағы Павлодар мемлекеттік университетінің студенті Арслан Каир жеңіске жетті. Келесі жылы қатысушылар Павлодар жоғары оқу орнының қабырғасында жарысады.
Елімізде астрофизикалық бағыт бойынша екі жоғары оқу орны ғана дайындалуда. Бұл Қозыбаев университеті мен Әл-Фараби атындағы ҚазҰУ. Алайда, астрономия бойынша Олимпиадаға тек СҚУ студенттері қатыса алды. 4 команда ұсынылды.
«Дефектология» дайындық бағыты бойынша XV Республикалық пәндік олимпиада анағұрлым әсерлі өтті. Оған Қарағанды, Павлодар, Алматы, Атырау, Ақтөбе және басқа қалалардан келген білім алушылар қатысты. Барлығы 8 команда. Іс-шараның мақсаты: арнайы және инклюзивті білім беру жетістіктерін насихаттау, студенттердің танымдық және шығармашылық қабілеттерін дамыту. Зияткерлік сайыста Қ.Жұбанов атындағы Ақтөбе өңірлік университеттен Фариза Нетебай жеңіске жетті. Командалық есепте бірінші орынды Қазақ ұлттық қыздар педагогикалық университеті иеленді.
