Біздің оқу ордамыздағы- Еnactus, кәсіп бастаймын деген жастар үшін үлкен бастама. Күн өткен сайын кәсіпкер студенттеріміздің қатары артып келеді. Соның нәтижесі 39 ЖОО-нын біріктірген Enactus Kazakhstan National EXPO 2023 байқауы. Жыл сайынғы белсенді жастар арасындағы сайыста Early Stage номинациясының чемпиондары Enactus Kozybayev атанды.
Біздің құрама арнайы байқауда «IT-ферма» жобаларын ұсынып, 2.5млн теңге жеңіп алды. Нақтырақ, әртүрлі балық түрлерін өсіруге арналған автоматтандырылған қондырғылар, яғни, өсімдіктерді топырақсыз тікелей қоректік заттарға бай суда өсіруге мүмкіндік береді. Зияткерлеріміздің айтуынша, өндірісті оңтайландыру үшін электрондық бағдарлама жасалды. 4 жылды қамтыған жоба, бүгінде оқушылар сарайы негізінде жүзеге асырылуда.
Бәсекеге қабілетті алаңда еліміздің үздік студенттері халықтың өмір сүру деңгейін жақсартуға бағытталған бизнес-жобаларының нәтижелерін ұсынды.Enactus халықаралық жобасы студенттер мен жастар арасында көшбасшылық пен кәсіпкерлікті насихаттайды. Қатысушылар қоғам өмірін жақсартуға мүмкіндік беретін әлеуметтік-экономикалық идеяларды жүзеге асырады. Олар өз жобаларын жыл сайынғы бизнес жетекшілері бағалайтын байқауларға жібереді.
Enactus Kozybayev құрамасын құттықтап, сәттілік тілейміз!
