Студенттік «Пилигрим» театры шығармашыл студенттердің, ұйымдастырушылық қабілеттері бар дарындылардың басын қосты. Театр мүшелері университеттің қоғамдық, шығармашылық өміріне сүбелі үлес қосып, жыл сайын көрермендерге екі спектакль дайындайды.
Соның бірі жаңа қойылымды, күні кеше,өнер ұжымы көрермен назарына ұсынды. Камила Ибраеваның « Голоса в темноте» пьесасын сахналады. Жасыратыны жоқ, қойылым басталғанда, залда ине шаншар орын болмады. Шығармаға арқау болған жасөспірімдердің өмірі, бүгінгі күннің өзекті мәселесін ашты: өзін-өзі қабылдамау, үнемі кінәлау, сыныптастарын қорлау және т.б. Басты рөлдегі әртіс қыз, сыныптастарының қорлауына тап болған кейіпкерді сомдады. Оның айтуынша, бұл жолы, сюжет желісін, кейіпкерді түсіну, образға кіру, қиын болса да, бар ынтасын салды.
Ал, режиссер Елизавета Гуляеваның айтуынша, сахна адамды түбегейлі өзгертеді: «Біз сахналық образдарды дайындап, тренингтер мен поэзия кештерін өткіземіз. Алдымен, сахна ойыңды анық жеткізуге, сөйлеу мәнеріңді дамытуға көмектеседі». Көркемдік жетекшінің айтуынша, ресми мерекелер мен сабақтан тыс уақытта қойылымдар сахналайды, арнайы жаттығулар жүйелі түрде жүргізіледі. Бүгінде өнер ошағында 15 әртіс бар.
