Үш жыл бойы біздің ЖОО Erasmus+ халықаралық бағдарламасының DeSTT «Көшбасшылық дағдыларды дамыту және педагогтарды көшбасшылыққа оқыту» жобасына қатысты. Үйлестірушісі, Италияның Кассино және Оңтүстік Лацио университетінің өкілі Джовани Бетта, бұл жоба педагогтардың білім беру көшбасшылығы саласындағы құзыреттерін дамытуға бағытталғанын айтты. Оған 9 серіктес ЖОО жұмылдырылған.
Ғылыми-практикалық конференцияда жобаның қорытындысы шығарылды:
– Қозыбаев университетінде Көшбасшылық Білім беру Орталығы ашылды;
– Орталық базасында СҚО мұғалімдері, магистранттар, сондай-ақ «Өрлеу» БАҰО жаттықтырушылары үшін көшбасшылықты оқыту бойынша шеберлік сыныптары, тренингтер, семинарлар өтті (шамамен 300 адам);
– Ғылыми мақалалар жарияланды, «Білім берудегі көшбасшылық» тақырыбында оқу құралдары құрастырылды, Ұжымдық монография дайындалды;
– Педагогикалық бағыттағы магистранттар үшін оқу курстары әзірленді;
– Италия, Испания, Польша, Моңғолия, Қазақстаннан DeSTT жобасы бойынша серіктес жоғары оқу орындарымен ғылым және интернационалдандыру саласындағы ынтымақтастығы кеңейтілді;
– Жобаның жұмыс тобының мүшелері ПФ және ТжӘИ оқытушылары-еуропалық серіктестер өткізетін семинарларда оқудан өтті.
