Бір апта бойы Агротехнология факультетінде BAYDALA компаниясының «Агрономия» және «Өсімдік қорғау және карантин» білім беру бағдарламаларының студенттеріне арналған оқыту семинары өтті. АФ оқытушылары «Өсімдіктердің қоректенуі» тақырыбында сабақ өткізді. Оқыту екі кезеңді қамтыды: өсімдіктердің қоректену схемалары бойынша теориялық курс және «AgroTest» аккредиттелген топырақ зертханасы негізінде практикалық дағдыларды меңгеру.
«Осындай курстардың арқасында студенттер білімдерін тәжірибе жүзінде шыңдайды. Түлектер өндіріс орындарында тыңайтқыштарды таңдау және қолдану бойынша өсімдік шаруашылығымен жақсы таныс болады. Бүгінде біздің компания үлкен тәжірибесі бар ауылшаруашылық тауар өндірушілерімен жұмыс жасауда», – дейді «BayDala»» ЖШС агрономиялық қолдау бөлімінің басшысы Жанат Елиясов. Оқу аяқталғаннан кейін 13 студент сертификатқа ие болды. BAYDALA компаниясының басшылығына кәсіби агрокадрларды даярлап, жемісті ынтымақтастығы үшін алғыс айтамыз!
