ЖОО-да «Математика мен жаратылыстану ғылымдарының өзекті мәселелері» атты ХІ Халықаралық ғылыми-практикалық конференциясы өтті.«Университеттердің алдында үлкен міндеттер тұр. ЖОО қолданбалы ғылыми міндеттерді шешуі тиіс. Мысалы, МЖҒФ ғалымдары суды тазарту мәселесімен айналысады, іргелі математикалық зерттеулер бойынша грантты іске асырады және т.б. Сондықтан конференцияның басты мақсаты– білім алмасу және жаңа идеялармен бөлісу»,- деп атап өтті Инновациялар және интернационалдандыру мәселелері жөніндегі Басқарма мүшесі Дамель Мектебепбаева.
Бұл конференцияда Қозыбаев университетінің серіктестері-Сургут мемлекеттік педагогикалық институты (РФ) және Әзірбайжан Ғылым Академиясының Дендрология институты қатысты. Әріптестер онлайн-баяндамалар жасады: барлығы 125 мақала, 70- і алыс және жақын шетелдерден келіп түсті.Бұл конференция біздің ЖОО үшін дәстүрге айналды. Биыл ол В.Л.Рабиновичтің 100 жылдығына арналған. Владимир Леонидович- дарынды математик және педагог, педагогика ғылымдарының кандидаты, доцент. Математика және оны оқыту әдістемесі бойынша 32 ғылыми мақала жазды, 1962-1969 жылдары оқу ордамыздың математика кафедрасын басқарды, студенттермен сабақ өткізді. Сол кезде орта есеппен педагогикалық института 60 математика мұғалімі түлеп ұшты . Пленарлық отырыстың соңында В. Л. Рабиновичтің атаулы аудиториясының салтанатты ашылуы өтті.
