Жыл сайын 1-3 курс студенттері арасында жас ғалымдар кеңесі өткізетін start-up ғылыми жобалар байқауының жеңімпаздары 50 мың теңгеден жеңіп алды. Бұл жолы АФ, МЖҒФ, ИСТФ, сонымен қатар, Аризона университетімен бірлескен білім беру бағдарламаларында оқитындардан 13 өтінім берілді. Жобалар жеке немесе топтық болуы мүмкін.
Конкурстық комиссия жұмыстарды келесі критерийлер бойынша бағалады: жобаның ғылыми жаңалығы, технологиялық ерекшеліктері мен бірегейлігі, практикалық маңыздылығы, әлеуметтік әсері, презентацияның сапасы және материалды меңгеру дәрежесі.
Үздіктер:
1. Анна Валёва, Яна Ефремова (МЖҒФ), "Солтүстік Қазақстан облысының жалпы географиялық атласы";
2. Светлана Даниш, Нина Кузнецова (АФ), "Каррагинанды қолдана отырып жеуге жарамды тамақ қабықтарын өндіру технологиясы және олардың дайын өнімнің сапасына әсерін бағалау";
3. Алина Жабина, Олеся Черепицкая (МЖҒФ), " Дәрілік-өсімдік шикізатына негізделген жаңа өнім: "Қара ханзада"алма сорттары;
4. Рустам Алпысов (МЖҒФ), "Биогендік нанобөлшектерді синтездеу үшін қалпына келтіруші ретінде қайың өскіндерінің сығындысын қолдану";
5. Станислав Бондарев (ИСТФ), "RoadToolAI платформасы".
Жеңімпаздар алынған қаражатты идеяларды одан әрі дамытуға бағыттай алады. Бір жыл ішінде олар өз өнімдерін осы бағытта жұмыс істейтін кәсіпорындарға енгізу актісін немесе зерттеу нәтижелері туралы мақаланы БҒСБК ұсынған журналда жариялауы керек.
