Балғындардың асыға күтетін күндерінің бірі – Халықаралық балаларды қорғау күні! Жарқын мерекенің танымды бөлімі балалардың шығармашылық әлеуетін дамытатын, жаңа техникалық жаңашылдықтар таныстырылатын -ғылым фестивалі. Білім ордамыз бен Оқушылар сарайы оларға нағыз мереке сыйлады. Шығармашылықтың түрлі бағыттары бойынша балалар мен жасөспірімдерді қолдау үшін қаламызда жасалып жатқан игі шаралардың бірі.
Фестиваль бағдарламасы қызықты танымдық ойындар мен шеберлік сабақтарды, көрмелерді қамтыды. Барлық балалар өздерінің дарынын көрсете алатындай етіп ұйымдастырылды. Ғылыми биологиялық және IT бағыттары бойынша интеллектуалды сайыстар өткізілді. Балалар ашық зертханаларды аралап, өздерін суретші, дизайнер тіпті зерттеуші ретінде сезіне алды. Гүлдерге арналған мөлдір қобдишаларда шағын бақ жасалды. Балалар өз қолдарымен безендіруге арналған композициялар жасауды үйренді.
Университетіміздің студенттері мен ғалымдары есте қаларлық Химиялық шоу өткізді. Тәжірибе түрінде олар заттардың өзара әрекеттесуінің күрделі процестерін көрсетті. Сонымен қоса, жоғары сынып оқушыларын университетіміздің білім беру және Аризона университетімен бірге қос дипломдық бағдарламалармен таныстырды. Фестиваль балаларға арналған заманауи жобаларды құрастыру нүктесі және жаңа таланттардың ашылу аумағы болды.
