Университетіміздің қабырғасында алғаш рет оқытушылар мен қызметкерлердің балаларына арналған ағылшын тілі жазғы мектебі ұйымдастырылды.7-9 жастағы балаларға арналған арнайы оқыту курсын «Шет тілдері» кафедрасында ф.ғ.к. Сәулеш Әубәкірова, Наталья Шевелева, Виктория Степаненко және магистрлер әзірледі. Сабақтар бір ай ішінде аптасына екі рет ақысыз негізде өткізіледі. Олар тиімді коммуникативті, ойын әдістерін қамтиды, өз кезегінде бұл оқу процесін жеңіл әрі қызықты өткізуге мүмкіндік береді.
«Ағылшын тілін үйрену – бұл білім алу ғана емес, сонымен қатар танымдық дағдыларды арттыру, зейінді, есте сақтауды, ойлауды дамыту», – дейді Сәулеш Әубәкірова.
Оқытушылар әр сейсенбі және бейсенбі күндері сағат 11.00-де №3 оқу корпусының 348 аудиториясында speak English-тің кішкентай әуесқойларын күтеді. Welcome!
