21 медаль, оның ішінде 16 алтын, командалық есепте көшбасшылық көрсетіп, біздің ЖОО-дан 9 қатысушының әрқайсысы жеңіс тұғырына көтерілді. Қазақстанның түкпір-түкпірінен жиналған17 команда арасында Қозыбаев университетінің құрамасы жарыста жеңіске қол жеткізді! Спортшыларымыз Ақтау қаласында өткен жеңіл атлетикадан ҚР ХІІ жазғы универсиадасынан осындай керемет нәтижелермен оралды!
Білім алушылар эстафетада, 200, 400,800, 1500 және 5000 метрге жүгірудегі тамаша көрсеткіштерінің арқасында «алтын» алды!
Вадим Левченков университеттің қоржынына бірінші медалін алып келді, 3м. 53 сек нәтижесімен бір жарым мың метр қашықтықтағы қарсыластарын жеңді. Сонымен қатар, 14 мин. 42 секундта 5000 м бірінші болып бағындырды.
Тағы екі бірінші орын: 400 м жүгіруде кедергілерден өткен Михаил Черезов жеңді.
Үш қарғып секіруден (14м.47 см) Арсен Өміржанов үздік атанды. Спортшымыз Александр Шуман ұзындыққа секіруде екінші болды. Сондай-ақ, тағы бір «күмісті» 1500 м қашықтықта Никита Изотов алды, ол 2 м.01сек. 800 метрді жылдам жүгіріп өтті.
Әлішер Амрин 200 м жүгіруден, ал Анастасия Фомина ұзындыққа секіру және үш қарғып секіру бойынша екінші орынға ие болды. Қарсыластарын озып шыққан Тимур Чумакқа «алтын» бұйырды.
Жеңіл атлетикадан Универсиаданың ең әсерлі түрлерінің бірі 4х100 м эстафеталық жарыс болды. Мұнда ЖОО құрамасындағы: Сергей Свитов, Александр Шуман, Әлішер Амрин және Арсен Өміржанов лайықты өнер көрсетті.
Спортшылар мен жаттықтырушыларды жоғары жеңістерімен құттықтаймыз! Сіздерді мақтан тұтамыз және табыс тілейміз!
