ЖОО-да ҚР Ауыл шаруашылығы министрлігінен бағдарламалық-нысаналы қаржыландыру бойынша ғылыми жобаны іске асыру шеңберінде семинар өтті. Екі жыл бұрын Қозыбаев университетінің азық-түлік қауіпсіздігі кафедрасының оқытушылары мен магистранттары «Қазақстанның әртүрлі табиғи-климаттық аймақтарына бейімделген ресурс-энергия үнемдейтін және цифрлық технологияларды қолдану негізінде сүтті мал шаруашылығында күтіп-бағу, азықтандыру, өсіру және өсімін молайту технологияларын әзірлеу» бағдарламасының жобасын бірлесіп орындады.
С. Сейфулин атындағы ҚАЗУ-мен бірге 2023 жылдың соңына дейін жүзеге асырылады, қаржыландыру көлемі 30 млн. теңгені құрайды. Қазіргі уақытта «Сүтті малға арналған Премикс» Еуразиялық патенті алынды, сүтті малды азықтандыру және ұстау нормалары әзірленді, оның өсімін молайтудың оңтайлы шарттары айқындалды.Семинарда, СҚО-да мал шаруашылығын дамыту, сүтті малды өсіру технологиялары және басқа да мәселелер қарастырылды. С. Сейфулин атындағы ҚАЗУ, жоба жетекшісі, а.ш-ғ.к., қауымдастырылған профессор Сәуле Бостанова сөз сөйледі.
Іс-шараның практикалық бөлімінде біздің ғалымдар өңірдің агрокомпаниялары базасында өз әзірлемелерін көрсетті: өсімдік негізіндегі сүтті алмастырғышты қолдана отырып, сүтті бұзауларды азықтандыру технологиясы, КФҚ-200 көпфункционалды қондырғысында өсімдік негізіндегі сүтті алмастырғышты дайындау, жылжымалы шағын жем зауытының жұмысы, NRC (АҚШ)стандарттары бойынша сүтті малды азықтандырудың отандық нормаларын әзірлеу.
