2018 жылдан бастап біздің ЖОО-да ҚР Мемлекеттік қызмет істері агенттігінің СҚО бойынша департаментімен бірлесіп «Мемлекеттік қызмет мектебі» жобасы іске асырылуда. Ол мемлекеттік қызметке әлеуетті үміткерлерді дайындауға ықпал етеді, түлектерге мемлекеттік мекемелердің қызметімен жақынырақ танысуға мүмкіндік береді.
Оқыту аясында 80-ге жуық білім алушы қатысып, көбі жұмысқа орналасты. Ал биылғы жылы Қозыбаев университетінің бітіруші курсының 23 студенті салтанатты түрде оқуларын аяқтағаны туралы сертификат алды.
ТЭҚФ деканы Зәуре Картова: «Бүгін, «Құқықтану», «Қаржы», «Туризм» білім беру бағдарламаларының үздіктеріне сертификаттар табысталуда. Білімгерлер, бізді негізгі оқудан тыс, қараша айынан бастап бүгінгі күнге дейін Мемлекеттік қызмет мектебінде өз құзыреттерін арттыра алатындығымен қуантты».
Оқу кезеңінде ҚР Президенті жанындағы Мемлекеттік басқару академиясының СҚО бойынша филиалының базасында білім алушылар ҚР заңнамасын зерделеп, БАҚ-пен, халықпен өзара іс-қимыл бойынша түрлі тренингтер, сондай-ақ облыстың мемлекеттік органдарында тағылымдамадан өтті. Студенттерімізді құттықтаймыз!
