Спорт – бейбітшілік елшісі!

Қозыбаев университетінің  қызметкерлері арасында өткізілген жаппай өндірістік гимнастикаға 200-ге жуық адам қатысты. Таңертең ашық аспан астында әуенмен, қарапайым жаттығулар қатысушыларды жаңа жұмыс күніне жігерлендірді . Шара ҚР Денсаулық сақтау саласын дамытудың 2020 – 2025 жылдарға арналған мемлекеттік бағдарламасы аясында ұйымдастырылды.

Жаттығудан кейін, Қазақстанның XII жазғы Универсиадасының жеңімпаздары мен қатысушылары салтанатты түрде марапатталды.

Спортшыларымыз 60 ЖОО арасында сайыстан 5-ші командалық орынмен оралды! Ал жеңіл атлетика жарысынан 1 командалық орын біздің қоржында! Универсиаданың жабылуында студенттерге кубокты ҚР ҒЖБ министрі табыстады. Бұл оқу орда командасының жарыстардағы ең үздік нәтижелері. Біздің білімгерлер спорттың 5 түрінен сәтті өнер көрсетіп, 19 медаль жеңіп алды, оның 13-і алтын! Студенттер мен жаттықтырушылар құрамын және спорт клубын шын жүректен құттықтаймыз!