Осындай сөздермен Басқарма Төрағасы – Ректор Ерлан Шұланов 2,5 жылға жуық жұмыс істеген оқу орда шаңырағымен қоштасты. Ерлан Нұрлыбекұлы өз шешімі туралы ҚР Ғылым және жоғары білім вице-министрі Қуаныш Ерғалиевтің қатысуымен өткен ғылыми кеңестің кеңейтілген отырысында хабарлады. Ол ректорға «Ғылымды дамытуға сіңірген еңбегі үшін» наградасын табыс етіп, және соңғы жылдары біздің ЖОО елімізде көшбасшы болғанын атап өтті.
ҚР Ғылым және жоғары білім министрі Саясат Нұрбек онлайн-үндеуінде министрліктің міндеті – Ерлан Нұрлыбекұлы бастаған дұрыс бағыттың сабақтастығын қамтамасыз ету екенін атады. «Еліміздегі алғашқы американдық университеттің филиалын құру сіздің университетіңізбен, сіздің атыңызбен тығыз байланысты болады. Енді осы бағытта әлеуетті одан әрі дамыту, арттыру қажет. Министрлік тарапынан толық қолдау болады», - деп түйіндеді министр.
Ерлан Шұланов жұмыс істеген кезеңде елімізде алғаш Аризона университетімен бірлесіп қос дипломды бағдарламаларды іске қосудың ауқымды жобасын жүзеге асыра алды. Оқуларын тәмамдап, түлектер бірден екі диплом алады және АҚШ-та білім ала алады. Сондай-ақ, жаңа оқу-зертханалық корпус салынып, студенттерге арналған сертификаттау орталықтары, AlmaU университетімен бейіндік магистратура және MBA бағдарламасы ашылды, студенттердің тәжірибесі қайта қаралды, жұмыс берушілермен тығыз қарым-қатынас жолға қойылды және т. б.
Ерлан Шұланов әсерлі тілекпен, ұжымға үлкен алғысын білдірді: «Бұл өте бай дәстүрі бар университет. Мен мұнда жаңа идеялармен қанықтым. Басқалар үшін маңызды дүние жасау менің үлкен арманым еді. Себебі бұл менің ішкі қуат көзім. Осы жылдар ішінде мен толық жұмыс жасадым. Алайда көптеген тапсырмалар әлі де бар, бірақ қол жеткізіледі деп үміттенемін. Мен басшы ретіндегі міндетімді адал орындадым. Ұжымның күші оның бірлігінде.Барлық әріптестерімізге шын жүректен алғыс айтқым келеді. Сіздерде үлкен әлеует пен үлкен болашақ бар!»
