Білім алушылар конфедераткаларды жоғарыға ұшырып, көптен күткен құжаттарын қолдарына алды. Әдемі нәзік жандылар, құшаққа толған гүлдер және естеліктер, мұның бәрі «Class of 2023» рәсімі!
Үш күн ішінде бас ғимараттың акт залында бақытты түлектер оқуларын бітіріп, жаңа өмірге аяқ басты. Ал олардың ата-аналары, достары мен жақындары Кампустың Орталық алаңында және №1 ОК аудиторияларында LED-экран арқылы мерекені тікелей эфирде тамашалай алды.
Биылғы оқу жылы тек университет үшін ғана емес, бүкіл аймақ үшін ерекше болды. Медицина факультетінің алғашқы мамандары түлеп ұшты. Енді оларды интернатура, резидентура күтеді, алайда білімнің негізгі базасы қалыптасқан. 160-тан астам студент жалпы медицина бакалавры дәрежесін алды. Олардың қатарында Үндістан азаматтары да бар.
«Біздің 2018 жылдан бүгінгі күнге дейінгі сапарымыз ерекше болды. Отбасымыздан алыстасақ та, біз тілдік кедергіні жеңдік, жаңа мәдениетке бейімделдік. Бізді жылы құшақпен қарсы алған Қазақстан халқына шын жүректен алғысымды білдіргім келеді, сіздің мейірімділігіңіз бен қонақжайлылығыңыздың арқасында Қазақстан біз үшін екінші үйімізге айналды», - деді түлек Рафор Махендр Пратап Сингх бөлісті.
Бірінші күні барлығы 500-ден астам адам диплом алды. Оның ішінде барлық факультеттерден 92 магистрант, қалғандары-АФ, ТЭҚФ және МФ түлектері (орыс және қазақ бөлімшелері).
Жоғары білім туралы құжаттардың иегерлерін Басқарма Төрағасының м.а. – Ректор Рената Апергенова құттықтады. Сондай-ақ, CLAAS компаниясының Грей HR бизнес бірлігінің аға директоры Антье Кункис, «Банк ЦентрКредит» АҚ қалалық филиалының басшысы Айгүл Мұратова, НЗМ директоры Данияр Уәлиев және т.б.сөз сөйледі. Басқарма мүшелері мен декандардың қолынан дипломдарды тек оқуда ғана емес, сонымен қатар ғылымда, қоғамдық өмірде де жетістікке жеткен түлектер алды.
Келесі күні ТжӘИ және МЖҒФ табыстау өтті. 2023 жылғы рәсімді Инженерия және сандық технологиялар факультетінің, Педагогика және медицина факультеттерінің білім алушылары аяқтады. Ерекше есте қаларлық сәт болды!
Биылғы жылы барлығы 1 686 студент университетті бітірді, оның 477 – сі қызыл диплом иегерлері. Енді алда-кәсіби жол. Біз сіздерге сенеміз, түлектер!
