Білім берудегі сапаны қамтамасыз ету жөніндегі Тәуелсіз агенттіктің (IQAA) рейтингінің қорытындысы бойынша Қозыбаев университетінің веб-сайты ТОП-10-ға сенімді түрде кірді.
Қазақстандық ЖОО сайттары 8 критерий бойынша бағаланды: веб-сайттың өлшемдері( веб-беттердің саны), ақпараттық толықтыру (сайтта қойылған құжаттардың саны), сайттың жаңартылуы, навигацияның ыңғайлылығы мен дизайны, сайттың мемлекеттік, орыс және ағылшын тілдерінде ұсынылуы, сайтқа кірушілер саны, сайттың жылдамдығы және сайтқа сілтемелер саны (компьютерде және мобильді құрылғыларда).
Білім ордамыздың сайты ҚР жоғары оқу орындарының 103 сайты арасында 7-орынға ие болды. Сонымен қатар, «Сайт өлшемі» және «Навигацияның ыңғайлылығы және дизайн» санаттарындағы ұпай саны бойынша көшбасшы болды.