Ағымдағы жылдың шілде айында Моңғолияның Баян-Өлгей аймағында Сыртқы істер министрлігінің «Отандастар Қоры» КеАҚ ұйытқы болуымен «Моңғолия қазақтарының кіші құрылтайы» өтті. Іс-сапар барысында Баян-Өлгей аймағының білім басқармасы басшылары, әдіскерлері мектеп түлектерімен, ата-аналармен кездесіп, кәсіби бағдар жұмыстарын жүргізді. Нәтижесінде түлектердің ҚР жоғары оқу орындарында білім алғылары келетіндігі анықталды. Қазіргі таңда 691 түлек еліміздің ЖОО-на баруға ниетті екендерін білдірген.
Сондай-ақ, Моңғолия тарапынан екі жақты студенттердің академиялық ұтқырлық бағдарламасы, қос дипломдық бағдарламалар ашу, университет базасында орталықтар ашу сынды өзара ынтымақтастық жұмыстары туралы ұсыныстар тыңдалды.
Құрылтай аясында ҚР 5 ЖОО білім көрмесін ұйымдастырды. Моңғолия мемлекетінде тұратын этникалық қазақ жастарына оқуға шақыру мақсатында білім көрмесіне Қозыбаев университетінің «Foundation» факультеті де қатысты. Университетіміздің сенімді өкілі бекітіліп, ҚР ЖОО-ның Дайындық бөлімдеріне құжат қабылдау мерзімі кезінде тығыз жұмыс жасау келісілді.
