ҚР Қарулы Күштері запастағы офицерлер мен сержанттармен толықтырылды. Қозыбаев университетінің 99 студенті әскери ант берді. Биыл университеттің әскери кафедрасына 25 жыл толды. Білімгерлерді салтанатты түрде университет басшылығы, кафедра ардагерлері, оқытушылар құттықтады. Сондай-ақ түлектерді қолдау үшін ата-аналары, жақындары, достары жиналды.
«Біздің әскери кафедраның жұмыс істеген жылдарында 3000-нан астам запастағы офицерлер мен сержанттар дайындалды. Бүгінде олар, Қарулы Күштерде, шекара әскерлерінде, ҰҚК және республиканың басқа да құрылымдарында түрлі лауазымдарда табысты қызметтерін өткеруде. Барлық уақытта әскери қызметтің негізгі және бұзылмайтын Заңы Әскери ант болып табылады. Ол мемлекеттік құқықтық құжаттың күшіне ие және жауынгердің салтанатты анты», - деп атап өтті Басқарма Төрағасы-Ректордың міндетін атқарушы Рената Апергенова.
Өткен жылдан бастап кафедрада атқыштар мамандығы бойынша бір жылдық оқумен запастағы сержанттарды, сондай-ақ жалпы әскери бөлімшелерді, бөлімдерді жауынгерлік қолдану, аумақтық қорғанысты жоспарлау және ұйымдастыру жөніндегі офицерлерді даярлау жүргізілуде.
ӘК басшысының м.а. Баходир Джуриновтың айтуынша, бүгінде ҚР Қорғаныс министрлігінің жоспарына сәйкес жоғары оқу орнының әскери кафедрасына 131 адам (70 офицер және запастағы 61 сержант) тартылған. Қабылдау ақпаннан мамырға дейін төрт кезеңмен жүзеге асырылды: медициналық куәландыру, психологиялық тестілеу, дене шынықтыру нормативтерін тапсыру және комиссиялық іріктеу.
Биылғы жылы әскери кафедрасының даңқты дәстүрлерін қазіргі түлектер де қолдады. Студенттердің негізгі мақсаты әскери және тактикалық дайындық, оқу-жаттығу жиындары мен емтихандарды сәтті тапсыру. Қазір олар Қазақстанның жұмылдыру резервінің мамандары болып табылады.
Құттықтаймыз,біз сіздермен мақтанамыз!
