Қозыбаев университетінің 1 000-ға жуық талапкері республикалық гранттарға ие болды, соның ішінде: толық емес немесе көп балалы отбасылардан шыққан балалар, жетімдер, ҚР азаматтары болып табылмайтын бірақ ұлты қазақ және т.б. Дәстүрлі түрде ең танымал мамандықтар арасында – «Ақпараттық жүйелер», «Қаржы», «Экономика», педагогикалық бар.
Аризона университетімен бірлескен білім беру бағдарламаларына 500-ден астам бюджеттік орын бөлінген. Оның ішінде – 150 адам қос диплом бойынша IT, биотехнология және инклюзивті білім беру бағыттарына оқуға түседі. Биыл қабылдау көкжиегі айтарлықтай кеңейді. Бізге талапкерлер барлық өңірлерден, сондай-ақ, Астана, Алматы, Шымкент қалаларынан оқуға қабылданады.
Өткен жылдарға қатысты оқуға түсушілердің орташа ұпайы да өсті. Мысалы, Қостанай қаласындағы НЗМ түлегі Қозыбаев университетіне 140 ұпайдан 139 ұпай жинап оқуға түсті. 133, 129, 128 балл жинаған талапкерлер де бар. Сонымен қатар, ЖОО-ға СҚО әкімінің интернатураға, сондай-ақ мәдени-тынығу, музыкалық білім беру бакалавриаттарына гранттар бөлінді.
«Бізге Солтүстік Қазақстан облысының әкімдігі, білім басқармасы үлкен қолдау көрсетті. Биыл талапкерлерге ыңғайлы болу үшін СҚО-ның шалғай аудандарында құжаттарды қабылдаудың 3 пункті ұйымдастырылды. Яғни, балалар грантқа өтініш беру үшін Петропавлға арнайы келмей-ақ, құжаттарын тапсыра алды. Қазір университеттің қабылдау комиссиясы қабылдауды жүзеге асыруда», – деді Қабылдау департаментінің директоры Гүлмира Оспанова.