Қонақтар университеттің жаңа ғимаратының зертханаларымен танысты. «Біз Президенттің үш стратегиялық міндетін жүзеге асырамыз. Біріншісі-Назарбаев Университеті қағидаты бойынша мықты өңірлік жоғары оқу орнын құру. Екіншісі-халықаралық кампус, Аризона университетімен ынтымақтастық. Біз 2 жылдан бері ақпараттық жүйелер, биотехнология бағыттары бойынша серіктестікте жұмыс істеп келеміз және биыл дефектология, педагогика және психология, бастауыш оқыту әдістемесін қамтитын инклюзивті білім беру бағдарламасын іске қостық. Ал, іске асырылып жатқан үшінші міндет– Академиялық артықшылық орталығы», - деді Басқарма Төрағасы-Ректор м.а. Рената Апергенова.
Кеңес мүшелері Агрономия бойынша ғалымдар мен ЖОО білім алушыларының ғылыми әзірлемелерімен танысты. Әсіресе, бұл елдің солтүстік аймағы үшін өзекті. СҚО климаты мен топырағына төзімді дақылдарды сорттық сынау бойынша қытайлық әріптестермен бірлескен зерттеулер, сондай-ақ біздің облыстың жайылымдық жерлерінің деградациясын зерттеу, жасыл конвейер құру және т.б. Сатып алынған жаңа жабдық ауыл шаруашылығы өнімдерінің сапасына талдау жасауға мүмкіндік береді. Ал Geoskan дрондарының көмегімен өрістер мен басқа да ландшафттарды зерттеуге болады.
Жоғары дәлдіктегі дәнекерлеу жұмыстарын жүргізуге мүмкіндік беретін әлемге әйгілі Kuka брендінің аппараттары бар инженерлік зертханалар мен медициналық зертханалар маңызды. Сонымен қатар, бұл салалардың мамандары аймаққа қажет екені белгілі. Айта кетейік, өткен жылы Қозыбаев университеті түлектерінің жұмысқа орналасуы 85% - құрады.
