Студенттер, Білім күнімен!

Қозыбаев университеті кешегі мектеп түлектерін қарсы алып, білім күніне орай мерекелік шара өткізді. Биыл қара шаңырағымызда 1514 студент бакалавриатқа, 900 грантқа оқуға түсті. Сондай-ақ докторантура мен магистратураға 130-дан астам білім алушы қабылданды. Осы жылы еліміздің түкпір-түкпірінен келген 500 білім алушы Аризона университетімен қос дипломды және халықаралық бағдарламаларды таңдады.

Мерекелік жиынға оқытушылар мен университет табалдырығын жаңа аттаған студенттер қатысты. Басқарма Төрағасы-Ректор м.а. Рената Апергенова студенттер мен оқытушыларды жаңа оқу жылының басталуымен құттықтап, «жаңа толқынға» бағыт-бағдар берді.

Сонымен қатар, факультеттер бойынша экскурсиялар ұйымдастырылып, бірінші курс студенттері кампусты аралады. Салтанатты шара талантты жастар ұйымдастырған мерекелік бағдарламаға ұласты.