Қасым-Жомарт Тоқаев ҚР Парламенті палаталарының бірлескен отырысында жыл сайынғы Қазақстан халқына Жолдауын жариялады. Мемлекет басшысы ел дамуының негізгі бағыты – «Әділетті Қазақстанның экономикалық бағыты» деп белгіледі. Ол адам құқықтарын қорғау саласында маңызды қадамдар жасалғанын, заң үстемдігі мен әділеттілікті қамтамасыз етуге бағытталған ауқымды жұмыстар жүргізіліп жатқанын атап өтті. Президент өңдеу және тау-кен өнеркәсібін, қорғаныс-өнеркәсіп кешенін, Ауыл шаруашылығын, энергетиканы, көлік және логистиканы, қаржы, IT, су ресурстары салаларын қолдау бойынша нақты міндеттерді белгіледі.
Қозыбаев университетінің басшылығы, ПОҚ және қызметкерлер цифрландыру және инновацияларды енгізу бойынша айтылған бастамаларды қуана қабылдады. «Біздің алдымызда стратегиялық маңызды міндет тұр – Қазақстанды IT-елге айналдыру. Цифрландыру саласындағы жетістіктеріміз бар – біз электронды Үкімет пен финтехтің даму индексі бойынша әлемдік көшбасшылардың қатарындамыз... Өңірлік жоғары оқу орындарының базасында нақты сектормен тығыз байланыста барлық облыс орталықтарында тұтас инновациялық экожүйені құру міндетін қойдым», - делінген Жолдауда
Бұл бағытта біздің ЖОО-да технологиялық кәсіпкерлікті дамыту үшін жұмыстар жүргізілуде. Басқарма мүшесі Рашит Белгібаев: «Біз «Университеттік IT-компанияны» құрып, дамытып жатырмыз. Онда IT-мамандарды даярлау тәсілі қайта форматталады. Бұл түлекке жоба бойынша нақты жұмыс тәжірибесін беруге мүмкіндік береді. Жоғары оқу орнына арналған IT -шешімдердің экожүйесі жобаларды басқарудың заманауи технологиялары мен әдістемелерін қолдана отырып қайта құрылуда. Бұл университеттің IT-инфрақұрылымының ашық архитектурасы туралы айтуға мүмкіндік береді».
Сондай-ақ, Қасым-Жомарт Тоқаев Еуразия құрлығындағы басты аграрлық орталықтарының біріне айналудың стратегиялық мақсатын қойды. «Қазіргі ауыл шаруашылығы – жоғары технологиялы сала. Шаруаларды жер жағдайы немесе ауа райы емес, инновациялық амал-тәсілдер табысқа жеткізеді. Заманауи ғылымға сүйенбесе, ауыл шаруашылығы жай тоқырауға емес, құрдымға кетеді. Агроғылымды дамыту және ең бастысы, оны ауыл шаруашылығында іс жүзінде қолдану үшін шаралар қабылдау қажет», - деп атап өтті Президент.
Біздің ЖОО-ның Агротехнологиялық факультетінде бірнеше жылдан бері СҚО-ның топырақ-климаттық жағдайларына төзімді дақылдарды өсіру бойынша қытайлық әріптестерімен бірлесіп әзірлемелер жүргізіліп келеді. Солтүстік Қазақстанның орманды-дала аймағында, сондай-ақ мал шаруашылығы, астық сақтау және т. б. салаларда ресурс үнемдеу технологиялары және шөптердің өнімділігін арттыру бойынша зерттеулер жүзеге асырылады.
