Оқу ордамызға Партиялық бақылау комитеті төрағасының орынбасары Майра Айсина бастаған «AMANAT» партиясының делегациясы келді. Қонақтар университеттің оқу-зертханалық ғимаратын аралады. Оның құрылысы «AMANAT» партиясы СҚ филиалының бақылауымен жүргізілді. Бұл жоба «Жұмыспен қамту-2020» жол картасына енгізілген. Бүгінгі таңда мұнда қос дипломдық және халықаралық бағдарламалардың студенттері үшін сабақтар өткізіледі.
Басқарма Төрағасы– Ректор м.а. Рената Апергенова, оқу орнының қызметі, студенттерді даярлау бағыты, толық цифрландырылған кітапхана қоры, оқу-ағарту жұмыстары туралы баяндады.
Сонымен қатар, Майра Айсина, инженерлік, биотехнология, агрономия, медицина және т.б. мамандықтары бойынша тәжірибелік сабақтар өткізілетін ЖОО заманауи зертханаларында болды. Барлығы 60-тан астам зертханалық кешен орналасады. Одан әрі қонақтар қаламыздағы «AMANAT» партиясының бақылау объектісі болып табылатын Қозыбаев университетінің студенттеріне арналған 1200 орындық 2 жатақхананың құрылыс алаңымен танысты.
