Сөздәйектер галереясы
Мектептің жаны – мұғалім. Мұғалім қандай болса, мектеп сондай болмақшы. Яғни, мұғалім білімді болса, ол мектептен балалар көбірек білім алып шықпақшы. Солай болған соң, ең әуелі мектепке керегі – білімді, педагогика, методикадан хабардар, жақсы оқыта білетін мұғалім.
Ахмет Байтұрсынов
ҚР Сыбайлас жемқорлыққа қарсы іс-қимыл агенттігінің «Сыбайлас жемқорлыққа қарсы волонтерлік» жобасына еріктілерді тарту туралы
Қазақстан Республикасы Сыбайлас жемқорлыққа қарсы іс-қимыл агенттігінің бастамасымен бүкіл ел бойынша «Сыбайлас жемқорлыққа қарсы волонтерлік» жобасын іске асыру басталды. Жобаның мақсаты: қоғамда сыбайлас жемқорлыққа төзбеушілік күйін қалыптастыру, әлеуметтік эксперименттер (Tik-Tok/Instagram түсірілімдерін) жүргізу, сондай-ақ сыбайлас жемқорлық құқық бұзушылықтарын жасауға ықпал ететін жағдайлар мен себептерді анықтау. Жобаны іске асыру мынадай бағыттар (іс-шаралар) бойынша жүзеге асырылады:
- қоғамдық бақылау;
- сыбайлас жемқорлыққа қарсы зерттеулер және білім беру;
- Pro bono еріктілік (кәсіби көмек көрсету);
- корпоративтік еріктілік.
Жобаның әлеуетті еріктілері студенттер, студенттік ұйымдар, профессорлық-оқытушылық құрам, комплаенс-офицерлер және т. б. бола алады.
Толтырылған сауалнамалар мекен-жайға жіберіледі upd.sko@antikor.gov.kz
12.09.2023