Мұнда әркім өзіне ұнайтын ғылыми немесе шығармашылық іспен айналысатын болады. ЖОО-да «KU Student Community» студенттік ұйымдарының жәрмеңкесі өтті. Олар университеттің түрлі ұйымдарымен танысты. Бүгінде бірлестіктер саны 30-дан асады. Білімгерлер өздеріне ұнаған ұйымдарға бірден жазыла алды.
Университеттің сабақтан тыс жұмысындағы мұндай бағыт-бағдар 1 курс студенттері үшін маңызды. Өзіңіздің дарыныңызды СҒҚ (әр факультетте бар), басқару және ұйымдастыру саласында (студенттік үкімет, жастар ісі жөніндегі комитет, кәсіподақ), шығармашылықта (жайдарман, театр, би және музыкалық ұжымдары бар студенттік клуб), спортта және т.б. жүзеге асыра аласыз.
Көрмеде:
1. Студенттік Үкімет
2. Студенттер кәсіподағы
3. Жастар ісі жөніндегі комитет
4. «Ашық жүрек» еріктілер ұйымы
5. Enactus Қозыбаев, көшбасшылық, кәсіпкерлік және өз жобаларын ілгерілету саласындағы бірлестік
6. «SHYN» пікірсайыс клубы
7. «Sanaly Urpaq», сыбайлас жемқорлыққа қарсы қызмет жөніндегі жобалық кеңсе
8. Үстел ойындары клубы
9. Психологиялық клуб
10. Құстарды бақылаушылар клубы
11. Жайдарман
12. «Достар» тіл үйірмесі
13. «Шұғыла» ақындық бірлестігі
14. Жас биолог зертханасы
15. Агротехнология факультетінің СҒҚ
Алайда, бұл толық тізім емес. Сонымен қатар, спорттық секциялар, театр, ғылыми-зерттеу қоғамдары, студенттік телестудия, кибер клуб, хореографиялық және халық-аспаптық ансамбльдер, ағылшын тілі үйірмесі бар. Жүрегіңмен таңдап, сүйікті салаңда дамы! Сәттілік!
