Қозыбаев университетіне Washington университетінің (АҚШ) түркітану және орталық еуразиятану бағдарламасының директоры, Таяу Шығыс елдерінің тілдері мен мәдениеті кафедрасының доценті, Талант Мауқанұлы келді. Сонымен қатар, ол, антропология кафедрасының, лингвистика кафедрасының, азия тілдері мен әдебиеті кафедрасының оқытушысы және Шығыс Азия орталығының, Эллисон орталығының және Джексон Мектебінің Таяу Шығыс орталығының қызметкері. Бұған дейін профессор, Индиана және Висконсин-Мэдисон университеттерінде сабақ берген.
Талант Мауқанұлы – Орталық Еуразия мен Қытай тілдерін әлеуметтік және мәдени тұрғысынан зерттеп, жойылып бара жатқан тілдер мен этникалық ерекшеліктерге ерекше назар аудара отырып, түркі және әлеуметтік-мәдени лингвистиканың зерттеушісі болып табылады. Оның ғылыми-зерттеу, оқытушылық жұмыстары пәнаралық және түркі тіл білімі, лингвистикалық антропология және ислам антропологиясы сияқты салаларды қамтиды.
Негізгі ғылыми жұмысы жоңғар тілін құжаттау және сипаттау жобаларымен байланысты. Қазіргі уақытта 18-20 ғасыр басындағы қазақтардың тілі мен қоғамын қамтитын шағатай мұрағаттық қолжазба дереккөздерін талдау бойынша үш бірлескен жобамен айналысуда.
«Осыған дейін көне түрік тілін зерттеу мақсатында дереккөздерге ізденіс жүргіздік. Қазақстанның басқа қалаларында осындай дәрістер оқыдым. Білім алмасу біз үшін өте маңызды. Сондықтан дәрістің тақырыбына бойынша 18 ғасырдағы хандардың жазған хаттарына сүйене отырып, қазақ тілінің тарихын зерттейміз. Сонымен қатар, тілмен тарихтың байланысын студенттерге жеткізгім келеді».
