Біздің ЖОО, IFOAM Organics International (Германия) экологиялық ауыл шаруашылығы Халықаралық федерациясының ірі республикалық тренинг алаңына айналды.
Апта бойы агроэкология және ауылдық аумақтарды тұрақты дамыту, консалтинг және аналитика саласының мамандары-Патрисия Флорес, Давид Явруян, Владислав Жмайло органикалық егіншілік және мал шаруашылығы бойынша сабақтар өткізді. Олар органикалық өндіріске көшу тенденциялары туралы өз тәжірибелерімен және білімдерімен бөлісті. Органикалық ауыл шаруашылығының, нарықтар мен құн тізбегінің негізгі мәселелерін қарастырды. Қазақстандық ОАШ саясатына талдау жүргізіп, осы саладағы әлемдік реттеудің тәжірибесін зерделеді.
«Қазақстанның органикалық ауыл шаруашылығын дамытуда әлеуеті өте зор, өйткені мұнда топырақтың сапасы жоғары. Бүгінгі біздің мақсатымыз-білімімізбен бөлісіп қана қоймай, органикалық агро өнімдерін өндіру процесінің барлық қатысушылары арасында пікірталас алаңын құрып, пікір алмасу. Мұндай диалог құру саланың көптеген мәселелерін шешуге көмектеседі», - деп атап өтті тренинг лекторы, IFOAM Organics International жаһандық академиясының менеджері Патрисия Флорес.
Кездесуге СҚО агробизнес өкілдері, ауыл шаруашылығы университеттерінің педагогтары, маркетологтар, Ұлттық сараптама орталығының, ғылыми-зерттеу институттарының мамандары, сондай-ақ университетіміздің ПОҚ және магистранттары қатысты.
Дәрістермен қатар университетте ОАШ курстарын жүргізу бойынша ұсыныстар әзірленді. Сондай-ақ, органикалық ауыл шаруашылығы өнімдерін өндіретін ауылшаруашылық кәсіпорындарын аралады. Іс-шараның ұйымдастырушысы: Қазақстан-Германия аграрлық-саяси диалогы (АСД) болып табылады.
Біздің оқу ордамызда АФ-те, биологияландыру және органикалық өнім өндіру мәселелеріне көп көңіл бөлінеді: болашақ агрономдардың білім беру бағдарламасына органикалық егіншілік курсы енгізілген. Сонымен қатар, жыл сайын, соңғы 8 жыл ішінде біздің студенттер Германия мен Польшаның био-шаруашылығында жарты жылдық ақылы тағылымдамадан өтіп келді.
