Педагогикалық факультетінің ұйымдастырумен биылдан бастап, Қарттар күніне орай «Қарттар біздің асыл қазынамыз» атты қайырымдылық жәрмеңкесі бастау алды. Қайырымдылық шарасында «Аяла» қарттар үйі мен «ОРиДИ» мүгедек балалар ұйымының өкілдері қолдан жасалған тоқыма бұйымдар, тәтті тағамдар, сүт өнімдерінен жасалған заттар мен жемістерді сатылымға қол жетімді бағамен ұсынды.
Жайылған жәрмеңке көптің қызығушылығын оятты. Игілікті шараның арқасында студенттер, егде жастағы адамдардың әрдайым құрметке лайық екенін еске салды. Жалпы жәрмеңкеден 118 мыңға жуық табыс түсті. Жиналған қаражат қарттар үйі мен мүгедек балаларға арналған ұйымға жіберіледі. Ізетті істің алдында жүрген университетіміздің 200-дей студенті өз үлестерін қосып, шағын концерт қойды.
