2023 жылдың 20-22 қыркүйегінде ФИЭП деканы Картова З.К. стратегиялық серіктесіміз Almaty Management University және CEEMAN динамикалық қауымдастықтардағы менеджментті дамытудың халықаралық қауымдастығы негізінде ұйымдастырылған «Тұрақты әлем үшін көшбасшылық» атты 31-ші CEEMAN конференциясына қатысты. Конференцияға университет ректорлары мен бизнес университеттерінің декандары, халықаралық және аймақтық менеджментті дамыту саласындағы жетекшілер, Қазақстаннан, Орталық Азия елдерінен (Қырғызстан, Өзбекстан) бизнес, үкімет, ҮЕҰ, халықаралық ұйымдар, БАҚ өкілдері қатысты. Сонымен қатар шет елдер АҚШ, Ұлыбритания, Швейцария, Франция, Германия, Бельгия, Нидерланды, Польша, Латвия, Венгрия, Словения, Албания, Румыния, Украина, Түркия, БАӘ, Оңтүстік Африка Республикасы, Қытай, Үндістан, Оңтүстік Корея, Сингапур өкілдері қатысты.
Конференцияның мақсаты – халықаралық институционалдық менеджмент тәжірибесін, тұрақты даму призмасы арқылы қарастырылатын білім беру бағдарламалары мен зерттеулердің ерекшеліктерін, қарқынды дамып келе жатқан қауымдастықтардағы көшбасшылық пен басқарушылық білім беруді зерттеу. Жыл сайынғы CEEMAN конференциясы дәстүрлі түрде бизнес өкілдері, оқу орындары мен серіктес ұйымдар арасындағы диалог пен ынтымақтастықты дамытуға бағытталған бірқатар іс-шараларды қамтыды.
Конференция барысында қатысушылар панельдік талқылаулар, екіжақты және көпжақты кездесулер, дөңгелек үстелдер мен семинарлар барысында озық тәжірибелерді талқылады. Тарих, экономика және құқық факультеті екінші жыл AlmaU-мен бірлесіп MBA бағдарламасын жүзеге асыруда. Жемісті және нәтижелі ынтымақтастық пен академиялық серіктестік Солтүстік өңірде бизнес-білімді дамытудағы басты басымдығымыз болып табылады.
|