Студенттік өмір – талай талантты білімгерлерді тоғыстырған балғын шақ. Биыл Қозыбаев университеті студенттерін ерекше, әсерлі қарсы алып, студент қатарына қабылдады.
Сахнаға тілек білдірушілердің алғашқысы болып университет Басқарма Төрағасы-Ректор м.а. Рената Апергенова көтерілді: жастарға өмірдегі жаңа кезеңде мұқалмас жігер мен жалын тілеп, академиялық ұтқырлық арқылы саяхаттап , үлкен жетістіктерге жету мүмкіндіктерінің жоғары екендігін атап өтті.
Жастар талабындағы әсерлі кеш өткізу үшін жас, әрі талантты орындаушылар шақырылды. Ең үздік би ансамбльдерінің бірі «Studio 117» және елімізде ғана емес, сонымен қатар ТМД елдеріне танымал «Q prodaction» музыкалық тобы және DJ KHAN кешті жарқыратты.
Ұмытылмас естеліктерге толы мерекелік кеш пен ғажап студенттік шақ, 700-ге жуық жиналған Қозыбаев жастары үшін көңілді, әрі әсерлі басталды. Білімдеріңіз артып, талаптарыңыз өрлей берсін!
