Ұстаздар күні - оқытушылар мен жалпы білім беру саласы қызметкерлерінің мерекесі. Дәл осы кәсіби мерекеде университетіміз ПОҚ адал еңбегін жоғары бағалап, ерекше атап өтуге мүмкіндік туды.
Биыл салтанатты шараны Басқарма Төрағасы-Ректор м.а.Рената Апергенова құттықтау сөзімен ашып, жиналған барша ПО құрамына денсаулық, сарқылмас қуат тіледі: «Біздің мақсатымыз – университетті Қазақстандағы жоғары оқу орындары арасындағы ең үздік өңірлік көпсалалы ЖОО-ға айналдыру. Оқытушы мамандығы біздің қоғамда ерекше және маңызды орын алады. Өйткені, болашақ құрылысшыларды, дәрігерлерді, агрономдарды ұстаздар тәрбиелейді. Білім саласының барлық ардагерлеріне ерекше алғыс айтамын».
Кәсіби мерекеге орай білім беру саласындағы елеулі жетістіктері мен белсенді жұмыстары үшін, ғылым және жоғары білім саласында жоғары білікті мамандар дайындауда ұзақ жылдық мінді еңбектері үшін оқытушылар құрамы құрмет және алғыс хаттармен марапатталды.
Құрметті ұстаздар даналық қасиеттеріңіз таусылмасын, адал еңбекке деген ыстық көңілдеріңіз суымасын! Игі істеріңізге сәттілік тілейміз!
