Қозыбев университетіне Солтүстік Қазақстан облысы Төтенше жағдайлар Департаментінің бастығы Ерік Сарыбаев келді. Кездесуде ЖОО басшылығымен ынтымақтастық мәселелері талқыланып, алдағы бірлескен жұмыстың негізгі бағыттары белгіленді.
«Университет қабырғасына алғаш келуім. Бүгінгі таңда жастардан көп креативтілік байқап жатырмыз. Осыған орай сіздермен бірлесіп жаңа әдіс, тәсілдерді қолдана отырып, студенттермен байланыс орнатамыз деп үміттенемін. Сондықтан біздің бағыт бойынша жаңа үрдісті, жаңа байланысты, жаңа деңгейде: ғылыми конференциялар, интерактивті ойындар, флэшмоб сыңды шаралар арқылы жүргізуге дайынбыз»,- деп атап өтті Ерік Сарыбаев
Басқарма Төрағасы-Ректор м.а Рената Апергенова ТЖ Департаментімен бірлесіп курс әзірлеуді ұсынды. Оқу ордамыз ұзақ жылдар бойы Мемлекеттік қызметке мамандар дайындап келеді. Біздің түлектер СҚО ТЖД-да табысты жұмысқа орналасуда. Бұл бағыттағы жұмыстар жалғасатын болады.
Кейін қонақтар, ЖОО-ның жаңа оқу-зертханалық корпусының дәріс аудиторияларымен танысты.
