Біздің университеттің Қытайдың Солтүстік- Батыс ауыл шаруашылығы және орман шаруашылығы университетімен (Янглин қ., Шэньси провинциясы) ынтымақтастығы, Қозыбаев университетінің 2017 жылдың шілде айында қосылған Жібек жолы ауыл шаруашылығы білім беру және ғылыми инновациялар альянсы қызметі аясында жүзеге асырылады. Бірлескен Агробіліктілік орталығын құру өсімдік шаруашылығы, мал шаруашылығы және азық-түлік қауіпсіздігі саласындағы білім беру және ғылыми бағыттарды жақсартуға мүмкіндік береді.
Мұндай ғылыми-зерттеу орталығы еліміздің солтүстік өңіріндегі ауыл шаруашылығы саласының дамуына өз үлесін қосуда. Бүгінгі таңда Қозыбаев университетінде бидай сортын сынау бойынша жобалар іске асырылуда. Ендігі мақсат – мал шаруашылығы саласындағы зерттеулер. Біздің облыс Қазақстандағы сүт өндірісі бойынша жетекші орында, сондықтан негізгі зерттеу сүт бағыты болмақ.
Агробіліктілік орталығын құру туралы келісімге Басқарма Төрағасы – Ректор м.а. Рената Апергенова және Солтүстік-Батыс ауыл шаруашылығы және орман шаруашылығы университетінің (ҚХР) проректоры Уэй Гыхонг. Ол өз сөзінде мұндай қадамның екі ел үшін маңыздылығын атап өтті: «Ауылшаруашылық құзыреттілік орталығын құру Қытай мен Қазақстан арасындағы ынтымақтастықты одан әрі кеңейтуге ықпал етеді деп сенеміз. Университетіміздің ұранымен: «Адалдық, қарапайымдылық, батылдық пен табандылық» және « елдің іргетасы – ауыл шаруашылығы саласының, халықтың әл-ауқатын арттырудағы мәселелерін шешу» тұжырымдамасымен біз осы орталықта жұмыс істейтін боламыз. Мақсатқа жету үшін біз ғылыми-зерттеу зертханасын ашып жатырмыз және жобаға инвестицияны арттырамыз».
Қозыбаев университеті Қытайдың Солтүстік-Батыс ауыл шаруашылығы және орман шаруашылығы университетімен бірлесіп магистранттарға арналған қос дипломдық білім беру бағдарламасын іске қосады. Сонымен қатар, серіктес университетте тегін докторантурада оқу мүмкіндігі бар. Бүгінде біздің ЖОО-ның екі оқытушысы осындай грант иегері атанды.
Екі университет арасындағы ынтымақтастық студенттер алмасуға да бағытталған. Осылайша, Янлиннен13 қытайлық білім алушылар Қозыбаев университетіне оқуға келді. Ал солтүстікқазақстандық 11 студент Қытайда білім алады.
