Бүгін Агротехнологиялық факультетте «Қызылжар сүт» ЖШС базасында мал шаруашылығы бойынша бірлескен оқу-ғылыми Қазақстан-Қытай зертханасы мен демонстрациялық паркі ашылды.Зертхананың ғылыми қызметі Солтүстік Қазақстан облысының мал шаруашылығы саласындағы өзекті мәселелерді шешуге бағытталған. Факультет ғалымдары қытайлық профессорлармен бірлесіп ірі қара малдың генетикалық әлеуетін арттыру, сүт және сүт өнімдерінің сапасын анықтау, жемшөп сапасын бағалау, қанның биохимиялық талдауы және сүт өнімділігін арттыру үшін басқа да бірқатар бағыттар бойынша зерттеулер жүргізетін болады.Бұл Қытай жоғары оқу орнымен екінші агрожоба, бес жыл бойы «Агрономия және орман шаруашылығы» кафедрасында бірлескен Агротехнопарк табысты жұмыс істеп келеді, онда өңір үшін перспективті ауыл шаруашылығы дақылдарының сорттарын сынау және тұқым шаруашылығы саласында танаптық зерттеулер жүргізіледі. Келесі жылдан бастап сынақтар факультет серіктесі «Байдала» ЖШС өндірістік жағдайында өткізіледі.Манаш Қозыбаев атындағы Солтүстік Қазақстан университетінің Солтүстік-батыс ауыл және орман шаруашылығы университетімен (ҚХР) бірлескен ынтымақтастығының негізгі мақсаты - өңірлік агроөндіріске инновациялық технологияларды енгізу және елдің азық - түлік қауіпсіздігін нығайтуға бағытталған Агроқұзыреттілік орталығын құру. Халықаралық ынтымақтастық агрокадрларды даярлауды күшейтуде де бірегей мүмкіндіктер береді, біз білім алушыларды ғылыми қызметке тартамыз, студенттеріміз академиялық алмасу бойынша белсенді түрде шығады, магистратураның қос дипломды бағдарламасы бойынша шарттарға қол қойылды, екі жас ғалым докторантурада оқуға грант алды және бірқатар оқытушылар серіктес ЖОО-да ғылыми тағылымдамадан өтеді.PS. Факультет басшылығы серіктес ЖОО-мен және өңірдің қайта өңдеу кәсіпорындарымен ауыл шаруашылығы өнімдерінің азық-түлік қауіпсіздігі жөніндегі демонстрациялық паркі мен зертханасын ашу бойынша келіссөздер жүргізеді.
