Digital Bridge 2023 халықаралық технологиялық форумының алаңында Қозыбаев университеті мен «Инновациялық технологиялар паркі» дербес кластерлік қоры (Tech Garden) арасында ынтымақтастық туралы меморандумға қол қойылды.
Стратегиялық келісімнің мақсаты – озық технологиялар мен инновациялық шешімдер саласындағы әріптестікті нығайту. Бұл маңызды оқиға-инновациялық жобаларды бірлесіп дамытуға бағытталған ұзақ мерзімді ынтымақтастықтың басталуын білдіреді. Ол корпоративтік оқытуды, модульдік бағдарламаларды әзірлеуді, қысқа мерзімді курстарды өткізуді, ғылыми-зерттеу және тәжірибелік-конструкторлық жұмыстарды жүргізуді, сондай-ақ, ақпараттық технологиялар мен цифрландыру саласындағы білімді арттыруға жәрдемдесуді қамтиды. Университетпен бірлескен жұмыс Дүниежүзілік банк гранты аясында іске асады.
Tech Garden бренді «Инновациялық технологиялар паркі» АКҚ 2014 жылы ҚР Үкіметінің қаулысымен құрылған. Ол білім беру, ғылыми-зерттеу және өндірістік инновациялық қызмет субъектілерін біріктіретін жоғары технологиялық инновациялық кластерді құрайды (жалпы алғанда шамамен 300).
Ынтымақтастықтың арқасында Қозыбаев университетінің студенттері мен профессорлық-оқытушылық құрамы нтеграцияланған операциялары бар робототехникалық жүйелерде кадрларды даярлау бойынша озық технологияларға қол жеткізе алады.